قصة عراقية واقعية غريبة ومضحكة (قصة الحجي وابو القاط)
واحد لابس قاط ورباط وآخر شياكة اجه على حجي لبيتهم خطار ، گلّه حجي انته ما تعرفني ، بس اني راح أعرفك بنفسي ، اولا راح أسألك ، انته انباگت عندك سيارة بالثمانينيات ، گاله اي بويه صدگ ، گاله حجي اني اللي بُگت السيارة مالتك والدليل انته چنت مخلي هوية الأحوال المدنية بالسيارة وهاي الهوية جبتها وياي هي قديمة وما تمشي هسه ، بس حتى اعترفلك ، حجي اني مذنب أمامك بس صدّگني بوكتها ما عندي عشه لجهالي و لَچنّي الضيم فد نوب ، بس حجي شسولفلك بعد ما بعت سيارتك الله فتحها بوجهي و گامت الفلوس تفور عندي ، وهسة اتذكرتك وجيتك دخيل تقبل توبتي و بنفس الوكت اريد اعوضّك عن السيارة
الحجي كاله السالفة قديمة وراحت بوكتها، العوض على الله،گاله: حجي أبد
بالحرام ماروح منك الا اشتريلك سيارة حتى يرتاح ضميري ، گاله بوية ما لازم عفيت عنك ، گاله لا تسولفها حجي ،روح جيب مستمسكاتك و امشي وياي للمعارض ، اللي عندي كلّه من خيرك حجي ،المهم الحجي اقتنع و أخذ المستمسكات وراحوا للمعارض ، گاله حجي اختار الحجي ابمستحه أشر على سيارة عادية من ذني اللي سعرها ما يعبر ال٤٠ ورقة ، گاله لا حجي !! شنو هاي ، تعال ابو المعرض هاي اللاندكروز الجكسارة بيش ، ابو المعرض گله سبع دفاتر ، گاله اي هاي السيارة نشتريها اكتبها باسم الحجي ، ابو المعرض گال :للحجي اتفضل بالمكتب حجي، وجيب جنسيتك خل نتكاتب ، الحجي دخل للمكتب ، ابوالقاط گال لأبو المعرض خوية شنو تريدنا نشتري سمچ بالماي ، گاله ليش خوية؟ گاله غير نطلع تراي ، نفحص السيارة ، گاله اي عمي حقك ، هاك السويچ على ما اتكاتب وي الحجي ، صاحبنا شغل السيارة وطلع من المعرض والحجي گاعد بالمكتب ، !!! هسه يرجع ،،، هسه يرجع ،، ماكو مرت ساعة و ماكو شيء ابو المعرض گال للحجي ، حجي وين صاحبك ، الحجي گاله عمي هذا مو صاحبي ، هذا سالفته كذا و كذا وسولف الحچيته الكم ، ابو المعرض گله خلي يوّلّن ، تره بزعانين من هل السوالف حجي اني حقي يمك وهاي جنسيتك والمكاتبة باسمك ، وجيب مشية ورد مشية تاليها الحجي باع بيته و سدد ابو المعرض ، يعني الحجي انباگ سيارتين .
الحجي كاله السالفة قديمة وراحت بوكتها، العوض على الله،گاله: حجي أبد
بالحرام ماروح منك الا اشتريلك سيارة حتى يرتاح ضميري ، گاله بوية ما لازم عفيت عنك ، گاله لا تسولفها حجي ،روح جيب مستمسكاتك و امشي وياي للمعارض ، اللي عندي كلّه من خيرك حجي ،المهم الحجي اقتنع و أخذ المستمسكات وراحوا للمعارض ، گاله حجي اختار الحجي ابمستحه أشر على سيارة عادية من ذني اللي سعرها ما يعبر ال٤٠ ورقة ، گاله لا حجي !! شنو هاي ، تعال ابو المعرض هاي اللاندكروز الجكسارة بيش ، ابو المعرض گله سبع دفاتر ، گاله اي هاي السيارة نشتريها اكتبها باسم الحجي ، ابو المعرض گال :للحجي اتفضل بالمكتب حجي، وجيب جنسيتك خل نتكاتب ، الحجي دخل للمكتب ، ابوالقاط گال لأبو المعرض خوية شنو تريدنا نشتري سمچ بالماي ، گاله ليش خوية؟ گاله غير نطلع تراي ، نفحص السيارة ، گاله اي عمي حقك ، هاك السويچ على ما اتكاتب وي الحجي ، صاحبنا شغل السيارة وطلع من المعرض والحجي گاعد بالمكتب ، !!! هسه يرجع ،،، هسه يرجع ،، ماكو مرت ساعة و ماكو شيء ابو المعرض گال للحجي ، حجي وين صاحبك ، الحجي گاله عمي هذا مو صاحبي ، هذا سالفته كذا و كذا وسولف الحچيته الكم ، ابو المعرض گله خلي يوّلّن ، تره بزعانين من هل السوالف حجي اني حقي يمك وهاي جنسيتك والمكاتبة باسمك ، وجيب مشية ورد مشية تاليها الحجي باع بيته و سدد ابو المعرض ، يعني الحجي انباگ سيارتين .
( انتهت القصة )
طبعا يگولون ابليس ضال صافن و يصوفر ، وبايس الحجي و مطلعله خمس وعشرين الف گاله بداعة جهالي بس هذني عندي هسه بگتهن من مجدي وتره هذا ابو قاط لا اعرفه ولا يعرفني ، لان لا اني ولا ربعي ندبر هيچ سالفة.
ليست هناك تعليقات:
اكتـب تـــــعليقا لبـرامج الانبــــار
بسم الله الرَّحْمَنِ الرَّحِيمِ
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
صدق اللَّهُ العظيم
ملاحظة:آرائكم تسعدنا, لمتابعة التعليق حتى نرد عليك فقط ضع إشارة على إعلامي